ნიკოლ ქიდმანი უდაბნოს დედოფალი იქნება

ნიკოლ ქიდმანი შესაძლოა რობერტ პატინსონს და ჯემს ფრანკოს შეუერთდეს ისტორიული დრამის 'უდაბნოს დედოფალი'-ს ('Queen of the Desert') ეკრანიზაციაში. რეჟისორი ვერნერ ხერცოგმა მსახიობი მას შემდეგ მოიწვია მთავარ როლზე, რაც ნაომი უოტსმა პროექტი დატოვა, რომელიც ასევე მთავარ როლზე იყო დანიშნული.
შეგახსენებთ, რომ ფილმის სიუჟეტი განვითარდება გერტრუდა ბელის გარშემო, რომელიც არის ბრიტანელი მწერალი. მან მე-20 საუკუნის დასაწყისში გადაწყვიტა ახლო აღმოსავლეთში მოგზაურობა, რის შემდეგ იქ გახდა ძალიან მნიშვნელოვანი პოლიტიკური ფიგურა. რეალურად, პირველი მსოფლიო ომის დროს ქალი გახდა ბრიტანული დაზვერვის აგნეტი, რომლის დახმარებითაც დაემხო ოსმალეთის იმპერია.
სწორედ გერტრუდას როლს შეასრულებს ნიკოლ კიდმანი. ჯემს ფრანკო იქნება მაიორი ჩარლს-დაუთი უაილი, რომელთანაც ბელს სასიყვარულო ურთიერთობა აკავშირებს. რობერტ პატინსონი კი ტომას ედვარდ ლოურენსის როლს მოირგებს, რომელიც ასევე ცნობილია არაბი ლოურენსის სახელით. მან, როგორც ბრიტანელმა ოფიცერმა დიდი როლი ითამაშა არაბულ აჯანყებაში.

photos