'რიდიკი'- ა.შ.შ.-ს კინოგაქირავების ლიდერი

ამერიკულ კინოგაქირავებაში ლიდერი შეიცვალა. განვლილი უქმეების მონაცემებით, პირველი ადგილი, 18,6 მილიონი დოლარით, ფილმმა 'რიდიკი' დაიკავა. შეგახსენებთ, რომ სურათის ბიუჯეტი მხოლოდ 38 მილიონი დოლარი გახლდათ. აღნიშნული მონაცემები მანიშნებელია, რომ ფილმი აშკარა მოგებაზე წავა.
მეორე ადგილზე გადაინაცვლა სურათმა 'მსახურთუხუცესი', რომელმაც დამატებით 8,9 მილიონი დოლარი მოუტანა შემქმნელებს. მესამე ადგილზე ფილმი 'ინსტრუქციების გარეშე' განთავსდა, 8,1 მილიონი დოლარი მოგებით.