მიკ ჯაგერი და კევინ მაკდონალდი ელვის პრესლიზე ფილმს იღებენ

ოსკაროსანი კევინ მაკდონალდი როკ-ენ-როლის მეფის, ელვის პრესლის, შესახებ ფილმს გადაიღებს. ფილმის სახელია «Last Train to Memphis». სურათი სტუდია Fox2000-ის პროექტია და მას პიტერ ჟურალნიკის იგივე სახელწოდების რომანი უდევს საფუძვლად. კინოადაპტაციაზე პასუხიმგებლობა პროდიუსერმა და სცენარისტმა ჯონ ფუსკომ აიღო საკუთარ თავზე. სურათში მოთხრობილი იქნება ელვისის გზა ახალგაზრდობიდან მსოფლიო დიდებამდე. მაკდონალდის გარდა სურათს პროდიუსირებას გაუწევს მიკ ჯაგერი, ლეგენდარული The Rolling Stones-ის ლიდერი.
მაკდონალდის ბოლო ნამუშევარი გახლდათ დოკუმენტური ფილმი 'ბობ მარლი', რომელიც აღწერდა ლეგენდარული იამაიკელი რეგის შემსრულებლის ცხოვრების გზას.