'Fifty shades of Grzey'-ის მთავარი როლის შემსრულებლები დასახელდნენ!

კინოსტუდია Universal-მა ბესტსელერის 'Fifty shades of Grey' ეკრანიზაციის მთავარი როლის შემსრულებლები დაამტკიცა. როგორც გამომცემლობა The Hollywood Reporter იტყობინება, ისინი დაკოტა ჯონსონი და ჩარლი ჰუნამი იქნებიან.
Universal Pictures-მა და Focus Features-მა მოიპოვეს უფლება ბრიტანელი ავტორის ე.ლ. ჯეიმსის ეროტიკული რომანისა და ასევე მისი ორი გაგრძელების ეკრანიზაციაზე 2012 წელს. ნაწარმოების მთავარი გმირები- ბიზნესმენი ქრისტიან გრეი და სტუდენტი ანასტეიშა სტილი არიან. რომანი მდიდარია თავისუფალი ხასიათის სექსუალური სცენებით.
ეკრანიზაციის რეჟისორი სემ ტეილორ-ჯონსონი იქნება. ფილმის პრემიერა კი 2014 წლის 1 აგვისტოს შედგება.