"ფოლადის ადამიანი"-ს სიქველს მიჩიგანში გადაიღებენ

კინოსტუდია Warner Bros.-ი გადაიღებს ფილმს 'ფოლადის ადამიანი 2' მიჩიგანის შტატში. ამის შესახებ ინფორმაციას ავრცელებს გამოცემა The Hollywood Reporter-ი.
შტატის ხელისუფლებამ დაადასტურა თავისი მზაობა აღმოუჩინოს ფილმის შემქმნელებს ფინანსური მხარდაჭერა 35 მლნ აშშ დოლარის ოდენობით. გადაღებები დაიწყება დეტროიტში და შტატის სხვა ქალაქებში 2014 წლის დასაწყისიდან.
თავის მხრივ, კინოსტუდია Warner Bros.-ი აპირებს შექმნას დაახლოებით 400 სამუშაო ადგილი და დაასაქმოს 6000-მდე ადამიანი, გადაღებების ხანგრძლივობის პერიოდზე.
შეგახსენებთ, რომ დეტროიტში ხდებოდა 'ტრანსფორმერები 4'-ის ზოგიერთი ეპიზოდის გადაღებაც.