მეთ დეიმონი რობინის როლის შესრულებას გამორიცხავს

მეთ დეიმონმა მხარი დაუჭირა თავის მეგობარსა და კოლეგას, ბენ აფლეკს, რომლის ბეტმენის როლზე დამტკიცებამ მასობრივი ვნებათაღელვა გამოიწვია ინტერნეტში. დეიმონმა განაცხადა, რომ აფლეკი შესანიშნავი ბეტმენი იქნება.
'ვიცი, რომ ინტერნეტში ბევრია აღშფოთებული. ეს სასაცილოა. ის ხომ მეფე ლირს არ თამაშობს. ეს უბრალოდ ბეტმენია! ეს სრულებით შედის მის ძალებში. ვინმეს თუ უნახავს 'არგო' ან 'ქურდების ქალაქი' და მისი ბოლო პერიოდის სხვა ნამუშევრები, მათთვის ნათელი უნდა იყოს, რომ აღნიშნული როლები გაცილებით რთულია, ვიდრე ბეტმენი... და ბოლოს, შემიძლია გითხრათ, რომ ნამდვილად არ ვაპირებ რობინის როლის შესრულებას'- განუცხადა მსახიობმა გამოცემას Times Of India.
შეგახსენებთ, რომ ბენ აფლეკი შეასრულებს ბეტმენის როლს ფილმში 'ადამიანი ფოლადისაგან 2'

photos