ჯონი დეპი კარიერის დასრულებას გეგმავს

ჯონი დეპი უახლოეს მომავალში კინემატოგრაფის მიტოვებას გეგმავს. აღნიშნულის შესახებ თვითონ მსახიობმა ისაუბრა ერთ-ერთ ბოლო ინტერვიუში.
'არ მინდა ვთქვა, რომ მზად ვარ ნებისმიერ წამს წავიდე კინოდან, მაგრამ შემიძლია გითხრათ, აღნიშნული უკვე ახლოა. გარკვეულ მომენტში იაზრებ წელიწადის განმავლობაში წარმოთქმული ფრაზების რაოდენობას და ხვდები, რომ უცხო ფრაზებს საკუთარზე მეტად გამოთქვამ და ეს უკვე ზედმეტია ადამიანისთვის. ხვდები, რომ იქნებ ჯობს, უფრო წყნარი საქმით დაკავდე? დიახ, მე ზუსტად ასე ვთვლი'- განაცხადა მან.
დეპს არ დაუზუსტებია, რომელი ფილმი იქნება უკანასკნელი მის კარიერაში. შეგახსენებთ, რომ მსახიობს რამდენიმე პროექტში მონაწილეობაზე ხელი უკვე მოწერილი აქვს. მათ შორის გახლავთ 'კარიბის ზღვის მეკობრეების' მეხუთე ნაწილიც.