ძმები დარდენების ახალი ფილმი

ჟან-პიერ და ლუკ დარდენები თავიანთი ახალი ფილმის, 'ორი დღე, ერთი ღამე', გადაღებებს შეუდგნენ. სურათში მთავარ როლებს მარიონ კოტიარი და ფაბრიციო რონჯონე შეასრულებენ. პროექტმა დაფინანსების ნაწილი ფონდ 'Eurimages'-გან მიიღო. ანალოგიური დახმარება აღნიშნულმა ფირმამ კიდევ თორმეტ ევროპულ პროექტს გაუწია.
ძმები დარდენების ფილმის მთავარი გმირები საზოგადოების სხვადასხვა ფენის, სოციუმიდან განდევნილი ადამიანები არიან. შეგახსენებთ, რომ ძმები დარდენების ორი ნამუშევარი ('როზეტა' და 'ბავშვი') კანის კინოფესტივალის ოქროს პალმის რტოს მფლობელია.
'ორი დღე, ერთი ღამე'- 30 წლის სანდრას (მარიონ კოტიარი) ისტორიაა, რომელიც ქმართან (ფაბრიციო რონჯონე) ერთად ცდილობს დაიყოლიოს კოლეგები, უარი თქვან პრემიალურ ანაზღაურებაზე, რათა სანდრამ სამსახურის შენარჩუნება მოახერხოს. ფილმში ასევე მონაწილეობენ: ოლივიე გრუმე, კრისტელ კორნილი და კეტრინ სალი.
ფილმის ბიუჯეტი 7 მილიონი ევროთი განისაზღვრა. დაფინანსებას პროექტი იტალური, ბელგიური და ფრანგული კომპანიებიდან მიიღებს. ფონდმა 'Eurimages' სურათის ბიუჯეტში 500 000 ევრო უკვე გადარიცხა.