დიკაპრიო და ჯემს ფოქსი ისევ ერთად ითამაშებენ

ლეონარდო დიკაპრიო და ჯემის ფოქსი ისევ გააერთიანებენ თავიანთ ნიჭს ახალ კინოპროექტში. ორივე მსახიობი ითამაშებს კრიმინალურ თრილერში, რომელსაც გადაიღებენ ს. კრეიგ ზალერის რომანის - 'Mean Business On North Ganson Street' მიხედვით.
სიუჟეტი ვითარდება წესიერი დეტექტივის გარშემო, რომლის შეცდომის გამო იღუპება ადამიანი. გმირი გადაყავთ პატარა ქალაქ ვიქტორიაში, რომელიც მისურის შტატში მდებარეობს და სადაც დანაშულის დონე ყოველგვარ საზღვრებს სცილდება. იქ მისი პარტნიორი ხდება არანაკლებ ჭკვიანი და გმაოცდილი კანონის დამცველი, რომელიც დამნაშავეების მიმართ დაუნდობლობით გამოირჩევა. ორივე პოლიციელი იძულებულია ჩაებას კრიმინალური დაჯგუფებების წინააღმდეგ უკომპრომისო ბრძოლაში, რომელიც ხშირად ღია ომში გადადის.
ფილმის სცენარს თავად წიგნის ავტორი დაწერს, ხოლო დიკაპრიო სურათის პროდუსერიც იქნება. პროექტის რეალიზაციის ვადები ჯერ უცნობია.