'ფორსაჟი 6' ფრენჩაიზიის რეკორდით დაიწყო!

ფილმი „ფორსაჟი 6“ როგორც მშობლიურ, ისე საერთაშორისო კინოგაქირავებში დიდი წარმატებით დაიწყო. ჩრდილოეთ ამერიკაში პირველი კვირის ბოლოს სურათმა 98,5 მილიონი დოლარი გამოიმუშავა, ხოლო აშშ-ში აღნიშნული მემორიალური დღის ჩათვლით- 122 მილიონი დოლარი.
ეს ფრენჩაიზიის ახალი რეკორდი და სტუდია Universal-სთვის მშობლიურ გაქირავებაში საუკეთესო დასაწყისია. საერთაშორისო გაქირავებაში ფილმმა 158 მილიონი დოლარი მოაგროვა და ამ გზით მისმა საწყისმა შემოსავალმა 280 მილიონ დოლარს მიაღწია.
მეორე ადგილზე ჩრდილოეთ ამერიკის მასშტაბით კომედია „წვეულება ვეგასში 3“, რეზულტატით 42,4 მილიონი დოლარი, აღმოჩნდა .
ხოლო მესამე ადგილი ფილმმა „სტარ ტრეკი:სიბნელეში“,38 მილიონი დოლარი შემოსავლით, დაიკავა.