"რკინის კაცი 3-მა" მილიარდი დოლარი გამოიმუშავა

'რკინის კაცი 3-ის' საკასო შემოსავალმა 1 მილიარდ ამერიკულ დოლარს მიაღწია. ამის თაობაზე Walt Disney Pictures-მა ოფიციალურად განაცხადა.

პროექტისთვის ეს მნიშვნელოვანი შემთხვევა გაქირავებაში ჩაშვებიდან 23-ე დღეს მოხდა. ეს Marvel Studios-ს მეორე პროექტია, რომელმაც მილიარდ დოლარს მიაღწია გაქირავებაში და Walt Disney-ის მეექვსე ფილმი. ა.შ.შ-ში ფილმმა 300 მილიონი დოლარი მოაგროვა.